By: Doniel Aguirre Igahalin sa San Lorenzo Drive ro mga jeepney nga presenting naga-parking sa prente it Municipal Cemetery sa kahabaun it Quezon Avenue, Kalibo, Aklan. Raya ro gin-istoryahan sa executive and lesgislative meeting nga ginpangunahan ni Mayor William Lachica nga gin-atenderan it mga miyembro it Sangguniaang Bayan sa pagpanguna ni Vice Mayor Madeline Regalado ag mga Dept. Heads sa Municipyo it Kalibo.
Ro rason ku pag-transfer kanda hay ro planong pagpatindog it building para sa Kalibo fire station sa nagahieapit nga inadlaw maeapit sa Municipal Cemetery nga naga atubang sa National Highway. Raya hay para sa accesdible sa pagresponde kun may sunog ikumpara sa nahaunang plano nga igto ra igapatindog sa Bliss Site sa eogta maeappit sa Chaphel. Ginpabutyag ni Mayor Willliam Lachica nga rong Municipyo hay may funding mat-ana para sa konstrakyon it rondayang building. Rong Pondo hay magahalin sa 1 million pesos it Municipyo Samtang ro additional fundhay magahalin sa share it Municipyo sa koleksyon it Kalibo Fire Station sa mga fire safety inspection. Mabu-oe man rondayang 20% share pina-agi sa pag-request para sa national headquarters it Bureau of Fire Protection para bue-on rong share it Kalibo. Ginpahayag ni F/insp Patricio Collado, hepe in Kalibo Fire Station, nga naka-kolekta ro anang taeatapan it P750,000.00 ko nagtaliwan nga dag-on.
Samtang, isaea man sa gin-konsiderar nga opsyon hay ro pagbutang it parking area sa may total gas station para sa ma displaced nga behikulo pero magadaea ra it traffic. Bangud kara, ginpakamayad eon lang nga sa may San Lorenzo Drive eon lang daya igabutang. Rondaya man ro maging parking area it mga tricycle nga byaheng Banga ag New Washington./TE
No comments:
Post a Comment