Kalibo, Aklan - Isaeang ka Police Assistance Center (PAC) ro igapatindog ku mga katapo it kapulisan iya sa banwa it kalibo. Sa padayon nga review and critiquing it annual investment plan para sa dag-on 2012 ku munisipyo it kalibo, ginpahayag ni PSUPT Aden Lagradante, Chief of Police it Kalibo Police Station, nga magapatindog sanda it PAC sa masunod nga dominggo sa prente it RC Supermart partikular sa crossing it Roxas Avenue ag Toting Reyes St. sa pagpahayag ni Lagradante, katuyuan ku rondayang pagbutang it Police Assistance Center hay para nga mabuhinan ro numero it krimen, mapataas rong police visibility sa area ag madasig nga pag-responde it mga pulis.
Dugang pa kara, maka-asister pa ro naka-duty nga pulis sa pag-mintina it trapiko sa nasambit nga lugar bilang bulig sa naka-duty nga Kalibo Auxiliary Police nga naga-duty it hasta sa alas sais kun sa siin ro mga pulis ngara ro maga-asister ku daeagan it trapiko hasta it alas otso sa gabii. Ro police assistance center hay planong butangan it telepono, may daywang ka PNP personnel nga iga-assign ag tatlo ka mga Kalibo Auxiliary Police sa daywang ka shifting umpisa it alas singko sa hapon hasta it alas diyes sa gabii. Samtang, maga-establisar pa it dugang nga police assistance center sa crossing Banga – New Washington.
Sa pihak nga parte, pagapadayunon gihapon it Kalibo Police Station ro andang kampanya angot sa Crime Prevention para sa masunod nga dag-on maghalin it Enero 2012 hasta it Disyembre 2012. Raya hay sarang nanda maubra paagi sa pag-establisar it Police Assistance Center, pagpabaskug it brgy. intelligence network ag iba pa. Magiging maid-id man ro pag-implementar kung anti-drug campaign (R.A. 9165), Anti-Illegal Gambling Operations, Anti-Carnapping Operation R.A. 6539), re-orientation it R.A. 9262 (Violence Against Women and their Children) ag rong pagpatupad it mga Special Laws ag Municipal Ordinances kaparehas it Solid Waste Management, Anti-Smoking in public places ag iba pa./TE
Dugang pa kara, maka-asister pa ro naka-duty nga pulis sa pag-mintina it trapiko sa nasambit nga lugar bilang bulig sa naka-duty nga Kalibo Auxiliary Police nga naga-duty it hasta sa alas sais kun sa siin ro mga pulis ngara ro maga-asister ku daeagan it trapiko hasta it alas otso sa gabii. Ro police assistance center hay planong butangan it telepono, may daywang ka PNP personnel nga iga-assign ag tatlo ka mga Kalibo Auxiliary Police sa daywang ka shifting umpisa it alas singko sa hapon hasta it alas diyes sa gabii. Samtang, maga-establisar pa it dugang nga police assistance center sa crossing Banga – New Washington.
Sa pihak nga parte, pagapadayunon gihapon it Kalibo Police Station ro andang kampanya angot sa Crime Prevention para sa masunod nga dag-on maghalin it Enero 2012 hasta it Disyembre 2012. Raya hay sarang nanda maubra paagi sa pag-establisar it Police Assistance Center, pagpabaskug it brgy. intelligence network ag iba pa. Magiging maid-id man ro pag-implementar kung anti-drug campaign (R.A. 9165), Anti-Illegal Gambling Operations, Anti-Carnapping Operation R.A. 6539), re-orientation it R.A. 9262 (Violence Against Women and their Children) ag rong pagpatupad it mga Special Laws ag Municipal Ordinances kaparehas it Solid Waste Management, Anti-Smoking in public places ag iba pa./TE
No comments:
Post a Comment