Kalibo, Aklan - Nagapangayo gid it bulig ro mga volunteer teacher kung alternative learning system (als) it gobyerno para nga mabuhinan ro numero it mga illiterate sa mga kabaranggayan makaron. sa ginpatigayon nga regular meeting it liga ng mga brgy. sa pagpamuno ni Hon. Ananias Solina, punong brgy. it brgy. Linabuan Norte ag miyembro it Kalibo Sangguniang Bayan, sambilog sa andang nangin bisita si Ms. Asalia Eulalio Habagat, sangka mobile teacher nga naka-assign sa Kalibo District 1, para ngani i-kampanya sa mga kapitanes ro Brgy. Literacy Plan para tun-an ro mga kapitan kun paano ma-eliminar ro illiteracy sa mga kabaranggayan. Suno kana, kada dag-on hay naga-abo it may kapin sa 5% ro mga illiterate sa mga brgy. maghalin ra sa mga out of school youth, children ag bisan mga adult ag elderly.
Sa ginpakita nana nga posibleng solusyon pina-agi sa Brgy. Literacy Plan nagapakita ku nagakasari-saring posibleng solusyon sa problema it illiteracy depende sa kinahang-ean it sangka brgy. kun halimbawa nga ro partikular nga brgy. hay makit-an sa coastal o maabo pang iba. agud nga ma-umpisahan rong pagtapna sa illiteracy, kinahang-ean gid hambae nana rong adbokasiya ag mobilisasyon. Gina-suherer nana sa mga kapitanes ro pagpatindog it brgy. headquarters sa kada brgy. para sa als learners. Pangaywa hay ro pag-deliver it epektibo, episyente ag tayuyon nga mga nagapangunang serbisyo sa brgy. ag raya ngani ro edukasyon. Pangatlo hay ro sangka madinaeag-un nga brgy. projects nga naga-asikaso ku mga priority needs it sangka brgy.. Pang-lima hay ro pag-usoy it mga resources para suportahan ro programa ag aktibidad ag pang-an-um hay ro paghueag it komunidad para ma-umpisahan ro sangka proyekto.
Ana karang habu-oe ro suporta it mga punong brgy. sa kamatuoran, sanday Hon. Ranny de Felipe, it mabilo ag Hon. Rey Tolentino it brgy. Andagao hay nahauna eon nana nga naka-istorya ag nag-pledge eon nga maga-donar ro andang mga brgy. it mga lapis ag papel para sa mga als learners. Imaw man ra hay maga-adto sa kada kapitan it brgy. para istoryahan ro kumpletong detalye it rayang Brgy. Literacy Plan. agud nga mabuligan rayang mga out of school youth, adult ag mga children. Bago pa man hika-implementar rondayang programa sa mga baranggay, nagahimo anay rong mobile teacher it brgy. mapping agud nga madetermina ro numero it mga illiterate sa mga brgy., pananglitan nga matapos ra hay maga-kre-ar rayon it mga programa ag mga tikang para sa tama nga stratehiya ag implementasyon./TE
Sa ginpakita nana nga posibleng solusyon pina-agi sa Brgy. Literacy Plan nagapakita ku nagakasari-saring posibleng solusyon sa problema it illiteracy depende sa kinahang-ean it sangka brgy. kun halimbawa nga ro partikular nga brgy. hay makit-an sa coastal o maabo pang iba. agud nga ma-umpisahan rong pagtapna sa illiteracy, kinahang-ean gid hambae nana rong adbokasiya ag mobilisasyon. Gina-suherer nana sa mga kapitanes ro pagpatindog it brgy. headquarters sa kada brgy. para sa als learners. Pangaywa hay ro pag-deliver it epektibo, episyente ag tayuyon nga mga nagapangunang serbisyo sa brgy. ag raya ngani ro edukasyon. Pangatlo hay ro sangka madinaeag-un nga brgy. projects nga naga-asikaso ku mga priority needs it sangka brgy.. Pang-lima hay ro pag-usoy it mga resources para suportahan ro programa ag aktibidad ag pang-an-um hay ro paghueag it komunidad para ma-umpisahan ro sangka proyekto.
Ana karang habu-oe ro suporta it mga punong brgy. sa kamatuoran, sanday Hon. Ranny de Felipe, it mabilo ag Hon. Rey Tolentino it brgy. Andagao hay nahauna eon nana nga naka-istorya ag nag-pledge eon nga maga-donar ro andang mga brgy. it mga lapis ag papel para sa mga als learners. Imaw man ra hay maga-adto sa kada kapitan it brgy. para istoryahan ro kumpletong detalye it rayang Brgy. Literacy Plan. agud nga mabuligan rayang mga out of school youth, adult ag mga children. Bago pa man hika-implementar rondayang programa sa mga baranggay, nagahimo anay rong mobile teacher it brgy. mapping agud nga madetermina ro numero it mga illiterate sa mga brgy., pananglitan nga matapos ra hay maga-kre-ar rayon it mga programa ag mga tikang para sa tama nga stratehiya ag implementasyon./TE
No comments:
Post a Comment