Price council nagaduso sa pag-improbar it mga matansahan sa Aklan
KALIBO, Aklan — Ginaduso makaron it Provincial Local Price Coordinating Council (PLPCC) ro pag improbar it mga matansahan sa Aklan partikular ro sa Kalibo, ro kabisera nga banwa it probinsya.
Raya hay agud masiguro nga ro karne it manok, baboy ag baka ag iba pa gid nga produkto nga halin sa ginmatansa nga sapat hay malimpyo ag euwas kaunon.
Nangin importante pa gid nga improbahon ro mga matansahan bangud sa nagainabu nga baealigyaan it mga karne sa sari-sari nga parte it Kalibo.
Ro pag inabu ku rayang mga baealigyaan hay ginakaugot man it mga nagabaligya sa tindahan bangud mas barato ro baligya sa “meat stands”.
May kahadlok man ro iba nga basi bukon it tanan nga ginabaligya dikara hay nag agi sa matansahan.
Ginhambae ni Roselita Sauza nga dapat may AA nga matansahan ro Kalibo agud masiguro nga ro andang ginaproseso nga karne sa andang negosyo hay malimpyo ro ginahalinan.
Si Sauza hay tag-ana it Rosa Foods, nga kurundaya eamang hay nagbaton it pagpadungog sa Rehiyon 6 bilang SME Star Elite Awardee halin sa Department of Trade and Industry (DTI).
Bangud sa importansya it ginpaabot ngara nga kabaeaka, nagpataeana si Governor Carlito S. Marquez, nga imaw man ro Chairman sa PLPCC, nga magtawag it sangka meeting kaibahan ro gobyerno lokal it Kalibo agud istoryahan rayang butang.
Raya hay bangud nga sa pihak it kagustuhan it gobyerno probinsyal nga makabulig, nakamando sa laye nga ro gobyerno lokal eamang ro dapat nga naga asikaso it makara nga mga istraktura. (PIA)/TE
KALIBO, Aklan — Ginaduso makaron it Provincial Local Price Coordinating Council (PLPCC) ro pag improbar it mga matansahan sa Aklan partikular ro sa Kalibo, ro kabisera nga banwa it probinsya.
Raya hay agud masiguro nga ro karne it manok, baboy ag baka ag iba pa gid nga produkto nga halin sa ginmatansa nga sapat hay malimpyo ag euwas kaunon.
Nangin importante pa gid nga improbahon ro mga matansahan bangud sa nagainabu nga baealigyaan it mga karne sa sari-sari nga parte it Kalibo.
Ro pag inabu ku rayang mga baealigyaan hay ginakaugot man it mga nagabaligya sa tindahan bangud mas barato ro baligya sa “meat stands”.
May kahadlok man ro iba nga basi bukon it tanan nga ginabaligya dikara hay nag agi sa matansahan.
Ginhambae ni Roselita Sauza nga dapat may AA nga matansahan ro Kalibo agud masiguro nga ro andang ginaproseso nga karne sa andang negosyo hay malimpyo ro ginahalinan.
Si Sauza hay tag-ana it Rosa Foods, nga kurundaya eamang hay nagbaton it pagpadungog sa Rehiyon 6 bilang SME Star Elite Awardee halin sa Department of Trade and Industry (DTI).
Bangud sa importansya it ginpaabot ngara nga kabaeaka, nagpataeana si Governor Carlito S. Marquez, nga imaw man ro Chairman sa PLPCC, nga magtawag it sangka meeting kaibahan ro gobyerno lokal it Kalibo agud istoryahan rayang butang.
Raya hay bangud nga sa pihak it kagustuhan it gobyerno probinsyal nga makabulig, nakamando sa laye nga ro gobyerno lokal eamang ro dapat nga naga asikaso it makara nga mga istraktura. (PIA)/TE
No comments:
Post a Comment